enkuentronan

 
_MG_0625.jpg

DJADUMINGU

Tur djadumingu nos ta bini huntu pa kanta, alabá Dios i pa medio di siñansa práktiko siña kon pa hiba un bida di akuerdo ku Dios Su palabra.

Orario: 9:00-11:30 AM

Lokalidat: Rio Canarioweg 28

Tin krèsh disponibel pa muchanan di 0-3 aña na iglesia mes. Pa muchanan di 4-12 aña nos tin ‘Zondagschool’.

_MG_0043.jpg

Zondagschool

Tur djadumingu nos muchanan di 4-12 aña tin nan enkuentro spesial kaminda tante i tionan ta siña nan tokante Hesus. Tanten ku e mayornan ta den sirbishi nan por laga nan yunan trankil den bon man. E promé djadumingu di luna e muchanan ta bini sirbishi ku e mayornan pa duna presentashon.

Orario: 8:30-11:30 AM

Lokalidat: Punta Cardonweg 72 (Monte Carmelo)

E lokalidat di Zondagschool ta keda na un distansia di 5 minüt for di edifisio kaminda tin sirbishi pa mayornan.

ORASHON

Nos ta kere ku orashon ta move man di Dios pa E traha na nos fabor. Djòin nos tur djaluna kaminda den un ambiente informal nos ta hasi orashon unu pa otro, pero tambe resa pa temanan general ku ta toka nos iglesia, nos pais i mundu henter.

Dia: Djaluna

Orario: 7.30-9:00 PM

Lokalidat: Rio Canarioweg 28

ENKUENTRO DI HUBENTUT

Djòin nos hobennan pa nos enkuentro tur djabièrnè pa diskutí habrí riba tópikonan ku ta interesá nos. Lo bo no ke pèrdè nos eventonan spesial ni nos kamp un bia pa aña. Bishitá nos página pa mas informashon.

Dia: Djabièrnè

Orario: 7:30-9:30 PM

Lokalidat: Rio Canarioweg 28

EVENTONAN

Bin pasa dushi, hari i gosa den un ambiente ameno na diferente evento ku nos tim di Unigoso ta organisá pa nos. Bishitá nos página pa un lista di eventonan pendiente.

ESTUDIO DI BEIBEL

Bo ke sa mas di Beibel? Bo tin pregunta ku bo no por sali afó? Bo kier sa kon biba manera Dios ta deseá esei di bo? Bini nos estudio di Beibel tur djárason kaminda den un ambiente informal, den un forma interaktivo bo ta siña tokante temanan relevante i por hasi pregunta liber riba esakinan.

Dia: Djárason

Orario: 7.30-9:00 PM

Lokalidat: Rio Canarioweg 28

_MG_9739.jpg

ENKUENTRONAN DI SÈL

Eksperiensiá un kresementu den bo fe i forma amistatnan nobo dor di bishitá un enkuentro di sèl. Un sèl ta un enkuentro informal, mayoria bia na kas kaminda den grupo chikitu ta studia palabra di Dios i yuda otro kaminda mester.

Klek aki pa un lista di lokalidatnan di sèl i informashon di kontakto.

KURSO FUNDESHI KRISTIAN

Spesial pa esnan ku resientemente a duna nan bida na Kristu òf esnan ku ta sinti falta di un fundeshi mas sólido pa nan bida Kristian nos ta ofresé un kurso pa hóben i pa adulto. Por inskribí i kuminsá na tur momento

  • Fundeshi Kristian pa hóben: tur djasabra 5.30 PM na Punta Cardonweg 72

  • Fundeshi Kristian pa hóben adulto: tur djasabra 6:00 PM na Punta Cardonweg 72

  • Fundeshi Kristian pa adulto: tur djaweps 7.30 PM na Punta Cardonweg 72