Mi ke aseptá kristu

 
 

Bo a tuma un bon desishon!

Hesus ta bisa nos den Su palabra ku únikamente na nan ku risibi’E E ta duna poder pa bira yu di Dios. I e forma pa nos risibi’E ta dor di konfesá ku nos boka i kere den nos kurason ku E ta Señor.

Nos tur a peka i faya Dios i nos niun no ta meresé Su pordon. Pero Dios a stima nos asina tantu ku El a duna Su úniko yu, Hesus, pa tur ku kere den dj’E no bai pèrdí ma risibí bini eterna.

Pika a separá nos for di Dios, pero Hesus ku su morto na krus a rekonsiliá nos bèk ku Dios Tata basta nos asept’E i kere den djE.

Laga nos hasi e orashon aki huntu pa seyá e bunita desishon ku bo a tuma pa bira un yu di Dios.

Orashon di pekadó

Klek aki pa tende i resa e orashon konhuntamente.

Señor Hesus, pa largu tempu mi a tené bo pafó di mi bida. Mi ta rekonosé ku mi ta un pekador i ku mi no por salba mi mes. Pero awe mi a disidí ku mi no kier tené Bo afó mas. Mi kier aseptá Bo regalo di salbashon i hasi Abo sentral den mi bida. Mi ta kere ku Abo a bini na mundu komo hende, muri na krus kargando mi piká i despues di tres dia Bo a resusitá. I e mesun poder ku a resusitá Bo for di morto ta resusitá mi awe, sakando mi for di skuridat i poniendo mi den Bo lus. Danki Hesus pa laba mi piká i pa hasimi un hende renobá den Bo. Mi ta yama Bo bon biní den mi kurason i den mi bida komo mi Señor i Salbador. Amen.

Si bo a hasi e orashon aki, awor bo a bira un yu di Dios. Klek aki pa mas informashon kon nos por sostené bo den e bida nobo den Kristu.