Nos Liderazgo

Iglesia Bida Nobo Rio Canario (IBN RIO) ta un filial di Iglesia Bida Nobo ku ta konsistí di 7 iglesia establesé rònt Kòrsou.

Nos vishon ta:

Envolví tur ruman pa medio di gruponan chikí, pa kuida paden i salba pafó. 

IBN RIO ta keda liderá dor di Pastor Nelson (Nel) Foendoe. Pastor Nel ta kasá ku Lourdes Foendoe (Mama Lu) i huntu nan tin 3 yu adulto i 6 ñetu. Tantu su kasá komo su tres yunan ta aktivo den e ministerio di IBN RIO.

Pastor Nel kual promé ku su penshun tabata un dosente di Ekonomía, ta un gran siñadó di e Palabra di Dios. Pastor Nel ta alabes Presidente di Leading with Integrity Foundation (LWI). Atraves di e fundashon aki e ta dediká su bida na promové e evangelio ku e mensahe práktiko di Integridat bou di lidernan den tur gremio di komunidat. E ta outor di dos buki entitulá: Het Drievoudige Snoer (tradusí tambe na ingles ‘The Cord of three Strands’) i Becoming a Person of Integrity.

Pastor Nel i Mama Lou ta keda asesorá den e trabounan spiritual dor di 4 lider mas. Banda di esaki un tim di maneho huntu ku e diferente kabesantenan di ministerionan ta enkargá ku e responsabilidatnan táktiko i operashonal. Pastor Nel ta aksesibel via e-mail na nelsonfoendoe@gmail.com.